Funny Urdu Poetry

 میرا درد کمر ، کم ہوا دیکھ کر 

نرس جب مسکرائی ، مزہ آ گیا 

بھر کے ٹیکے مجھے جو لگائے گئے 

جام تھے یا دوائی ، مزہ آ گیا 

جس کی خاطر مجھے اس نے ٹھکرا دیا 

ساتھ دیکھا جو اس کے وہی منچلا 

اور پھر دوستو میری اک کال پر 

آ گئے اس کے بھائی ، مزہ آ گیا 

بال ابا کے کم ، قرض زیادہ ہوا 

پھر بھی شادی کرا دی مری شکریہ 

سونا پڑتا تھا پہلے زمیں پر مجھے 

مل گئی چارپائی ، مزہ آ گیا 

اپنی ممی کے کہنے میں آتی رہی 

میری بیگم سبھی کو ستاتی رہی 

اس کی بھاِبھی نے بھی اس کی ممی کے گھر 

آگ ایسی لگائ ، مزہ آ گیا 

بیویاں میری دونوں ہیں ظلم بڑی 

آج دونوں کسی بات پر لڑ پڑیں 

بال کھینچے گئے ، گال نوچے گئے

دیکھ کر یہ لڑائی ، مزہ آ گیا 

سیلری اپنی ابا کی پینشن لیے 

سیدھے سسرال جا کر وہ حاضر ہوئے 

ایک ہی دن میں سسرال والوں نے بھی 

لوٹ لی سب کمائی ، مزہ آ گیا 

عورتوں کے تقدس پہ تھی گفتگو 

آ گئی بزم میں جونہی اک خوبرو 

کھل کے کردار سب آ گئے سامنے 

لٹ گئی پارسائی ، مزہ آ گیا 

شعر کہنا تھا مجھ کو سیاست پہ بھی 

اس لیے میں نے دن رات ریسرچ کی 

کوئی بھی بات جس پہ مزہ آ سکے 

جب کہیں بھی نہ پائی ، مزہ آ گیا